Arosa

Arosa è situà sin las spundas al sidost da la chadaina dal Weisshorn entadim il Scanvetg che s'avra qua vers il sid e vers l'ost. Caracteristic per la planira auta d’Arosa è il rintg da muntognas ed ils lais che furman il center dal vitg dad Arosa. Enconuschent è Arosa sco lieu da cura e da sport tradiziunal: in paradis da viandar e sa recrear da stad, in territori da skis cun bunas cundiziuns da naiv durant l’enviern. Il 2013 han las ulteriuras vischnancas dal Scanvetg (cun excepziun da Maladers e da Tschiertschen-Praden) fusiunà cun la vischnanca dad Arosa.

(Foto: Ch-info.ch / CC BY-SA 3.0)